يا خيام.. ناسك راجعين و لوغابوا سنين

خيام وأصلها خيام

وكل خيمة قصة

ولد حكي حكايتو لرفقاتو

تارك بقلبو غصة

لمن غاب الحبيب عن دارو

القمر فل

ولهلق بعدو ما هل

ناطرة ويا وجعة السهر

عاشت سنين

مهمومة

حدها ختيار

شعرو شاب من ضرب النار

سّرو من سرار الكون

يناغيها

يبرد عقلبها

هي حبو

وصورة مصغرة عنو

ناسك رجعين و لوغابو سنين

كان يقلها كل ما طل القمر

وهي شو ؟

تلة بتطل عاكف النبي

عينها علون من الجنة

علَق عالشجر

وزهّر قمر

عند المسا بتمسح بكفا

عاغيم تشرين

بيلمع سنو

غشي من الضحك

وزهّر خدو قمر

شرايين الضحك

يا شوارعا

وناسها

يا نمل السهل

يا نحل ورد الشام

يا نكتة الايام

يا نهر مي انكسر

هواها يا نفس الملايكة

تسبح ربها

تدعي للغياب

يرجعوا يزرعوا ترابها

وربك قابل الدعى

ما بيتأخر

.....

ضو السهل بالليل

خيالو خيال مارد

وحدّو مهر زغير

يزرعوا المرج ضحك

تسمعوا يقلوا

هون كانت اجمل ايام العمر

قالتلو

شو رجعك

شو رجعك بعد ما شاب شعر عمرك

قلها

اشتقت للشيطنة

وجاي علمها لهالصبي

عالضو القمر

* زهدي نصّار - قطر

صور فيديو للخيام و"خذني ازرعني" لفيروز