يا عمتي رحتي وتركتيني... ناديتك كتير وما جاوبتيني

بسم الله الرحمن الرحيم

يا علا دق القدر بابك ... ... لوين رحتي وتركتي احبابك؟

رصاصة لئيمة فاتت على بيتي ... ... أخدتلي بنتي وخربتلي بيتي

يا إمي ريتها الرصاصة إجت جوّاتي ... ... ولا صابتك يا بنتي وقلبتلي حياتي

بنتي صغيرة تركت سريرها ... ... يا تراب كون ليّن وسليّها

يا تراب يلّلي على بنتي ... ... علا امانتك خففلي وجعتي

سامحيني يا بنتي لو زعلتك ... ... بدعي ل الله ينورلك دربك

الله من عندو يحميكي ... ... رضى اهل البيت بيكفيكي

شو مشتاقة يوم كنتي صغيرة ... ... تنامي بحضني لو فترة قصيرة

يا ناس تعوا شوفوا حالي ... ... فقدي لبنتي شغللي بالي

فقد الضنى ما اصعبو ... ... مين بيقدر يتحملو؟

يا ريح اللي رايح عند الغالي ... ... قللو شو صعبي عفراقو ليالي

دخلك يا ريح وياك خدني ... ... عند الغالي اللي فراقو عذبني

..

يا بيّي حبّيت شوفك عروس ... ... تطهري من بيتك وعلى جبينك بوس

يا ريت انعموا عيوني يا بيي ... ... وما شفتك لابسة الابيض ورحتي من بين ايديي

شو هالقهرة يا بنتي وما سالتيني ... ... يا ترى بتعودي وبتناديني

نذر عليّي يا بنتي اذا رجعتي ... ... لافرشلك الارض زهور وطفّي وجعتي

يا بنتي سامحينا وما تنسينا ... ... ودخلك بالخير اذكرينا

..

يا اختي وينك تركتيني ... ... خلقنا وربينا سوا وفجأة نسيتيني

حلمنا ببكرا أنا واياكي ... ... إجا بكرا وما كنت معاكي

يا علا قومي لينا بتنادي ... ... ثياب العيد يا إختي مين بهادي

بيجي العيد وباخدك بحضني ... ... خليتي العيد يحرقلي جفني

كان نصيبك صعب عليي ... ... كنت حابة احضنك بين ايديي

..

يا عمتي رحتي وتركتيني ... ... ناديتك كتير وما جاوبتيني

قلتيلي موجوعة يا عمتي ... ... قليلي كيف بدّي خبّي دمعتي

الآه يا علا اللّي منك سمعتها ... ... انحفرت جوّاتي وعالقلب رجّعتا

دخلك يا رب السّما ... ... حدث جاب لعيونّا العما

..

صبايا الكشاف ينادولك ... ... وينك طوّلتي الغيبة اشتاقولك

قومي يا علا وشوفي الصبايا ... ... جايين يشوفوكي الدار من علا خلايا

بيوم وجعك يا علي الكرّار ... ... مع وجعنا على علا خلّى القلب ينهار

يا علا بكّرتي كتير ... ... كان عمرك كتير قصير

ودّعناكي يا علا ليستقبلك ربنا برحمتو ... ... ودعائنا إلك يجعل مثواكي جنتو

..

* نيفين - الخيام

للتواصل مع عائلة الفقيدة: 03/432194

شريط فيديو wmv لعُلا من إعداد إحدى شقيقاتها.. 5M

شريط فيديو wmv لعُلا .. "يا زهرة الجنوب" تغنيها فيروز 18M

شريط فيديو wmv لعُلا .. "يا زهرة الجنوب" تغنيها فيروز 13M

شريط فيديو 3gp لعُلا .. "يا زهرة الجنوب" تغنيها فيروز 4M

سجل التعازي بالمرحومة عُلا يوسف عطوي

خبر "عُلا عطوي.. رصاصة انطلقت بطريق الخطأ، أصابت منها مقتلاً"

موضوع سامية عواضة "لماذا لم تقولي وداعا"

صفية خشيش "عروسة العيد.. علا عطوي"

موضوع المربية هانيا فايز زلزلي "علا.. رحيلكِ أفجع قلوبنا"

موضوع فاطمة أبو عباس "علا.. يا لعمرك القصير!"

موضوع صفية حسن خشيش "بأيّ حلّة أنت آت إلينا يا عيد ...."

موضوع علي محمد خريس (أباظة) "عروس الخيام عُلا"

موضوع أسعد رشيدي "عُلا يا زهرة الجنوب"

موضوع نيفين يحي ".عُلا.. الله يحميكي"

يا بيّي حبّيت شوفك عروس ...

والحة عُلا: يا عُلا دق القدر بابك ... ... لوين رحتي وتركتي احبابك؟

الشقيقة التوأم لعُلا: يا اختي وينك تركتيني... خلقنا وربينا سوا وفجأة نسيتيني