المرحوم يوسف خليل العلي (أبو موسى)

شو بقول يا جاري القديم ومش جديد

يا عمر رافقني بشبابي مش زهيد

وهالعمر كان الفترة الفيها الجمال

عشتو بعمري وكنت في عمري سعيد

رفاق كنا لبعضنا متل الخيال

ظلي خيالك ظلك خيالي أكيد

أزهار كنا بمسكبه بترقص دلال

عشنا الحرب والسلم أيد بجنب أيد

مش جار يعني كنت حدي بهالمجال

كنت الوريد البلقلب خي الوريد

عندي الي احوه بعاد ومش قلال

أقرب الي منهن وجودك كل عيد

وقال المتل جمله حقيقه مش خيال

بالطبع خيي انت يا جار الرضا

جار القريب الخي مش خي البعيد

________________________________

لا يامرض مش حق ايدك طلتها

عا قلب حزنو للبشر حملتها

يوسف طهاره لقلبنا مونه وزاد

قلوب اللي حبت هالقلب فشلتها

ليش ما بتمرض قلوب الفساد

الأكلت حقوق الناس ما عزلتها

في ناس فتحت للظلم باب الجهاد

بأقسى مرض شو السر ما تقلتها

هودي مصايب كحلونا بالسواد

أشرف لنا عا جهنم انوصلتها

حسيت قلي الموت لالا ياعماد

يوسف أحدتو ريحوا من هالحياة

الفيها مصايب متل يللي قلتها

_______________________________

ارتاح يايوسف العفت بلادنا

لبلاد قاصدهامنى لأمدادنا

ارتاح بيك بوحسن ناطر حلاك

وأمك عم بتنده اجانا زادنا

وموسى أخوك اشتقلك الداب بهواك

عم ينده الخالق نعم ما زادنا

ولا تخاف لولا اتركت اخوه من علاك

ادعى لهن وادعي لنا لأرشادنا

ولا تخاف عاولادك رح بيربو بدعاك

متلن متل روح وفلز أكبادنا

كم عم الهن متل بي بمستواك

ولادك ولاد لأخوتك لا تشيل هم

ولادك يايوسف رح يكونو ولادنا

______________________________

يوسف ياجاري خود شعري وفسروا

للروض يللي قاصدو مابتخسرو

جاوب بشعري أهل جنة ربنا

انسألوك بجنوبي الحبايب قصرو

قلن ما قصر هالجنوب الحبنا

رجالو رغم ظلم العدا ما تأثرو

كبو من الأرض اللي ناوي يكبنا

وانت العشت أبطالنا شو حسرو

شو حسرو حاقد بحقدو سبنا

وشو حسرو الجيش اللي حظو عسرو

الجيش الوقع شلعة جثث عا مكبنا

الجيش الياهودي الظن يكسرنا انكسر

شعب الجنوب بأزن كسرو

* الشاعر عماد زين شعيب

قصيدة ألقاها الشاعر في رثاء المرحوم يوسف خليل العلي

سجل التعازي بالمرحوم يوسف خليل العلي