الدردارة

تغندر ياابن الامارة ... ... تغندر على الدردارة

الحلواية بدها تشوفك ... ... وما في عندا سيارة

الدردارة مرج وفييي ... ... وقنايا عم تسقيها

وكنايي فوق الميي ... ... وابوعلي حاميها

والكوخ العمرو ميي ... ... حكاية عمرو بيحكيها

وجدي وجدك مع بيي ... ... وستي الحجة الختيارة

الدردارة وجهين ملاح ... ... وسكملة عليها كاسين

وحبقاية عطرا فواح ... ... وهمسة بهمسة وعين بعين

وردة وعتابا وموال ... ... ودلعونا عل الدردارة

كانت عمت بتتحمم ... ... مخباية بين الصفصاف

قالتلي يا احسن شب ... ... لا تتطلع انا بخاف

وشو هوي العندا محرم ... ... وقلبا من جوا شفاف

وشما عملت ما بتندم ... ... لو فكت كل ازرارة

يانازل من برج ملوك ... ... ليش عيونك محتارة

الحلواية لبست مزموك ... ... وعم تعملك اشارة

استعجل بحياة ابوك ... ... بس ما تكشف اسرارة

ولا تنسى كل الحبوك ... ... وحبيتهم عالدردارة

تغندر ياابن الامارة ... ... تغندر على الدردارة

الحلواية بدها تشوفك ... ... وما في عندا سيارة

* المربي الأستاذ علي ادريس

تصوبر فيديو لبركة الدردارة ولنبع الحمّام مع أغنية "موطني" إعداد رضا قشمر 11MB

صور فيديو للخيام وخذني لفيروز (سبق عرضها على الموقع) 7MB