في القرن الحالي بتنا نبكي بمرارة على الراحل.. التطور ألهائل والسريع للتكنولوجيا جعل القلوب قاسية وماديّة

خفت بريق المحبّة والعلاقات الطيّبة بين الناس حتّى بين الأب وإبنه والأخ وأخيه وقس على ذلك.

قسوة القلوب

نازلي دموعك واصلي لكوعك

في شي بين ضلوعك بتموت دقاتو

----

تايه بقلب صحرا نعجي مخبيِّ نحرا

هوّ سابح بقلب بحرا وإنت بتحلم بمياتو

------

كثير بيحب المصاري ما بيكسيك لوكنت عاري

نص الأرض شاري وبيخاف تضيع ليراتو

------

يمكن خايف من الجوع وبراسو ألف مشروع

غيرو من الحكي ممنوع وبيقبض حق كلماتو

-----

لشو بتتعب يا أهبل؟ كلّو بهالكون إلو معدّل

بيطلع وبعدها بينزل وبتبقى ضمن أرضاتو

----

يمكن بيّك بالهوييّ عطشان مابيسقيك ميّ

وإذا سمعك صرخت بيّي ساعتها بيزيد طرشاتو

------

ألله بيعطي المحبّي هيّ مش كنز لتخبّي

هيّ بولد عم تربّي حتى تزيد علماتو

-----

بقروشو لا تحلم أكيد رح تندم

هوّ وحدو بيعلم إنك محتاج خبزاتو

-------

بتظهر قبل الشمس بكّير وترجع لمّا بالبحر بتصير

إنت مش ولد صرت كبير وبعدك لاعب بساحاتو

-----

كتبت م بتنفع كتيبي عند الجهال هذه معيبي

القادمي وحده حبيبي بكفر بالبي وبليراتو