الصورة عن السفير (مصطفى جمال الدين)

بتمنّى تكون زبالتنا رمز تحرّرنا...ونخلص من كابوس الفساد..والإخلاق المصطنعة.

ولمّا بشوف همّة الشباب..وإن شاء الله يكملوا للنهاية..وأكيد انا معن وبالمسيرة..بحس

بالفرح...ونخلص من الذيابة..والوحوش..إللي أكلوا الأخضر واليابس..وما تركولنا

غير الديون والفقر والعطش والعتمة ووووووووووو.وكل السيّئات...ما رح عدّد...

فكّرونا رح نبقى نايمين حتّى نموت كرمال ولادن يعيشوا...وولادنا المتعلمين يبقوا

بلا شغل...وإشتروا كل العمارات المأجّرة..وطلّعوا قانون تهجيري...180000 عيلة رح

تصير بالشارع...ولبنانا...رح يصير ملك الغريب..وأكيد يوم السبت بداية المشوار

وكل لبناني حر الضمير ينزل يطالب بحقوقو....عا مين متكلين؟؟؟؟ما حكّ جلدك

غير ضفرك...وإللي بيتكل على خبز الجيران..بيموت من الجوع...

عندي إقتراح وعندي أمل...الأمل نجاح المشوار...والإقتراح ...كل واحد يفتّش

عكومة زبالي يصوّرها ويتصوّر معاها...لإنها رح تكون سبب خلاصنا وكل واحد

يكب صور الزعما...ويعلّق محلها صور المنقذ(الزبالة)شكراً سلفاً للشباب الواعي

ولفخامة وسيادة ومعالي والبيك الأفندي وكل مقدّمات التفخيم...للمنقذ(الزبالة)

والبعض بيسمّوها:النفايات.