الجاهليّة الثانية

أسعد غصن: مش جديد إللي عم يصير اليوم بننفخ اللبن.. لأنّو الحليب كاوي
أسعد غصن: مش جديد إللي عم يصير اليوم بننفخ اللبن.. لأنّو الحليب كاوي


من طفولتنا بالمدارس.. حفظنا أسامي الأصنام بالجاهليّة... وعرّفونا على عادات الجاهليين وطرق معيشتهم...وغزواتهم لجيرانهم والسبايا...وغنائم الحروب..وكثير من القصص والحكايات..إللي بتقطّع القلب..موضوعي مش غريب...بس سبحان الله قديّش في شبه بين جاهليّة ما قبل الإسلام...وجاهليّة ..القرن21...اليوم زعماء الشعوب العربيّة..هنّي اصنام تعبد...والجار بيقتل جارو..بوحشيّة أفظع من الجاهليّة.ووووووووو ألخ.

والمستعمر أو الهاري نعمتنا...غنم قدّامو...الجاهلي معذور...كان جاهل...بس متعلمين ومثقفين اليوم..إمّا بالجامعات...وإمّا عن طريق وسائل الإعلام...شو ضارب عا قلوبن؟

وما رح طوّل الشرح..حتّى ما يشطح تفكيري...ويشطح قلمي..وعلى رأي المصريين:

ويجد في الأمور...أمور.

بالضيعة برم راسي مع أحداث العالم العربي..وبوصلة اليوم تطابقت مع بوصلة الجاهليّة نفس البصمات..كتبت ببراءة كم سطر..بعنوان:الجاهليّة..الثانية


على خيّك وعلى جارك بالغدر ناوي

وقدّام عدوّك .....بتتخبّى مثل واوي


يمكن هالزمن غيّر....ليش تتغيّر؟؟

وأمجاد بالكتب عنّا التاريخ راوي


نحن الغلط؟؟يمّا غلّط التاريخ فينا؟

يا ريت نشّف الحبر بقلب الدوايِّ


تاريخ أسود..قبائل العُرب بالغزوات

بيولّع النار......وبالنار الخي شاوي


مش جديد إللي عم يصير اليوم

بننفخ اللبن.. لأنّو الحليب كاوي


ما همنا أخلاق لا دين والضمير ميّت

والشيطان شغلتويلمع ويقدّم مساوي


نحن شياطين.حكي عنها رب السما

مش الشيطان:إبن آدم للشيطان غاوي


وأصنام الجاهليّة صارت مألّهة بحكّام

بدّلت بالأخلاق.... كل أنواع المساوي

تعليقات: