شروي.. غروي‎


كثار نسيوا ؟؟؟ كثار مش سامعين؟؟؟ واليوم رح ذكّر الكل بمعنى هالكلمتين...

من زمن بعيد كان الواحد يقول لمحدثو: حكيك شروي غروي؟؟؟

يعني كلام ما نفهم منّو شي... وصدقوني اليوم عم نردد معاني الكلمتين أكثر من مرّة وأكثر من مناسبة باليوم الواحد...

اليوم ما حدا بيفهم عالثاني.. بتحس الواحد بيحكي لحالو ومع حالو ...مش معك.. ولازم يقنعك بصوابيّة رأيو شئت أم أبيت...بتفوت وجّك مبتسم وقبل ما تصبّحو.. بقلك مثل ليلى عبد اللطيف:

بعرف شو بدك تقول... وما معك حق... وإنت ولا على بالك تقول شي..جايي تسلّم وتشرب نسكافية ...

كإن الواحد بيحكي لغة مش سامع مثلها.. التفكير مغيّر؟؟؟ اللهجة غير شكل ما حدا بطيق الثاني ... وقلال إللي قلوبن على قلوب بعض... وقد ما تكون الصحوبيّة قويّة... كلمة واحدة تجي مش عا قد الخاطر.. مثل ما بيقول الدحنون:

بيقلب الميمنة عالميسرة...

يا إخوان نصيحة منّي لما بتجتمعوا: لعبوا 14 الطش بيفت.. وما تحكوا لا بالدين ولا بالسياسة... الأول بيودّي عالقبر والثاني عابيت خالتك..حابب إكتب كثير عا دوت كوم الخيام...وقلمي مثلي سريع الإنفعال والغضب...نصحوني إكتب كلام ما حدا بيفهمو... نقّيت: شروي غروي...

يرحم الإيّام العتيقة إيّام الخيرات والمحبّة والإلفة ولمّا كنّا نسمع: شروي...غروي...

سامحونا.

تعليقات: