يا ضيعتي.. يا قلب بكل صدر عم ينبض

كتبت عالفيسبوك .. بغياب خيام دوت كوم تيتّمنا... بجمع الكل لأني بحس عنا شعور واحد مشترك...صفحة بريئة...خفيفة نظيفي... إجتماعيّة وطنيّة فيها صفات النيل والأخلاق...واليوم رجعت...وقهرت من كان السبب؟؟؟

يمكن عوامل طبيعيّة...هيك عطول بيقولوا...وببارك للكل...وبثني على جهود القيمين على الصفحة وعذرا إذا مدحت ...لأن اسعد رشيدي مع حفظ الألقاب...عم يرضي ضميرو...

عودة..المغيّبة

رجعت صفحة الخيام.. ورجعت الفرحة معا

وصفحات التواصل بغيابها... ما أبشعا

ويا محبّين هالصفحة... فيكم تغنّوا معي

ونشكر بحرارة المهندس... إللي متابعا

أسعد رشيدي غني عن التعريف.. وآدمي

ما همّو الربح ومصريّات الجيبي يدفعا

مش شوفة حال...محبّة لخيامنا ولأهلها

ويا ريت كل واحد عا غيابها قلبو دعا

يمكن بغلّط لمّا بشكر إبن من الخيام

واجب علينا قدّيش تعذّبنا ونحن نودّعا

يا ضيعتي..يا قلب بكل صدر عم ينبض

فيها شباب ضحّوا وإيمانن وحدو رجّعا