إلى الكاتب أسعد غصن

الشاعرة هدى صادق: شو ما بقى من العمر ما بيهم.. لما بنقسم مع حبابنا لقمة هنية
الشاعرة هدى صادق: شو ما بقى من العمر ما بيهم.. لما بنقسم مع حبابنا لقمة هنية


لملمت من كلماتك قد ما فيي ..

فرح ، وحزن ، وندم ، واشواق منفية ..

قلت بلكى يا رفيق الشعر ،

يا ومضة ندية ...

بسرق منك (لحن) وبزرعوا بتربة

حياتى الشجية ....

بلكى مع كل سنة راحت

بينبت من ( اسمك) عصرة خمر قوية ....

يمكن اذا شربت منها رشفة ، بنسى العمر

والعد ، وبرجع لورا صبية...!!!

وشو ما بقى من العمر ما بيهم ،

لما بنقسم مع حبابنا لقمة هنية ...

ولما بننطر ع الباب شى وردة حمرا ، او بيضا

وقعت من السما هدية ...

شجرة ميلادك حملت (أغصان) الوفا

وبعدها بتثمر حنية ...

ورغم القسا ، الى ما بينتسى

بتضل شجرة حياتك لكتار بيحبوك

وطن ، تحت وراقو بيجتمعوا الصغار والشباب والختيرية ..

بطلت (عد) ما حبيت العد ولا الى بالحساب اي فايدة انسانية ...

من يوم ما عرفت

انو( العمر9 عم يركض متل ما بيركضوا عشاق (الحسين) بالمربعنية

صرت دفى الحياة وما خاف الممات

لك عيش اللحظة ولو كانت منتهيه..

الشاعرة هدى صادق


كلمة أسعد غصن (شجرة ميلادي)

تعليقات:

    التعليقات ترد بشكل فوري من خلال هوية المتصفح على الفايس بوك. وهي من مسؤولية أصحابها الذين نأمل منهم الحفاظ على احترام الأصول واللياقات في التعبير.