وردة من الماضي

مش حيلاّ ماضي ماضي الزواريب ماضي بيوت التراب ماضي الإلفة والمحبّة.

هيك كان ماضينا وعطول بسمّيه:الزمن الجميل الماضي العتيق ماضي الخير.

وبهاك الزمن شفت وردة شمّيتا عن بعيد عن قريب::::ممنوع كبرنا بس الوردة ما كبرت مثل ما هييّ كل سنة بتفرّخ وردة مثلها هالذكريات::أليمة وحلوة بس لمّا نلتقى بحبيب من الماضي حبيب الولدنة بنرجع ولاد ولو لدقايق أو يمكن لوقت طويل حسب الظروف؟؟؟؟؟؟

ألف سلام وألف دمعة وألف حرقة قلب وأحسن من الزمن الجميل زمن عيسى ومجوز عيسى والدبكة والعتابا على أنغام مجوز عيسى ومع الأسف وصلنا لزمن الإنحطاط صارت الموسيقى حرام والغنا حرام؟؟؟؟؟وووووو؟؟؟؟؟


وردة من الماضي

لمّا بمرق جنب الدار .. .. حجاراتو بتحمل أسرار

بتقلّي:::يا هالختيار .. .. حبيبك بعدو مسافر


وعالذكرى بتنزل دمعة .. .. الحبّيتا مثل الشمعة

بتكتبلي يوم الجمعة .. .. يا حبيبي يا ساحر


وتحت الرسمة في زهرة .. .. صبيّة بأوّل عمرا

بتحرقني مثل الجمرة .. .. وبتقلّي اوعا تغادر


وقلبي مش بإيدو يفل .. .. وشعراتا لجسمي الظل

وقدّام رفقاتا بتدل .. .. حبيبي هذا الشاعر


يا حلوي طالب رسمي .. .. والقلم يكتب إسمي

كرمالك مهندس كسمي .. .. وعالمفرق ديماً ناطر


وإنت من كثر الدلال .. .. بتتخبّي وبتنسي خيال

وبيبقى حبّك بالبال .. .. ولعيونك عنتر قاهر.

تعليقات:

    التعليقات ترد بشكل فوري من خلال هوية المتصفح على الفايس بوك. وهي من مسؤولية أصحابها الذين نأمل منهم الحفاظ على احترام الأصول واللياقات في التعبير.