سهام خنفور.. استعجلتِ الرحيل

المرحومة المأسوف عليها سهام شاهين خنفور
المرحومة المأسوف عليها سهام شاهين خنفور


لا ادري ماذا اقول في حضرة غيابك

استعجلتِ الرحيل يا اختي

فراقك صعب كثير يا حبيبة قلبي يا سهام

يا اختي كنت بالشغل لما تلفنولي وخبروني

انك رحلت من هالدنيا

ما عرفت كيف اوصل عالبقاع واغمرك

شم ريحتك ... امسح على وجهك

وصلت ع بيتك ، ما لقيتك ...

كنتِ بالمستشفى باقية ...

قال التقاليد بتقول بيجيبوك من المستشفى ع صالون الكنيسة ... وهونيك منلتقى

والله يا اختي صعب عليي اتحمل هالتقاليد

سامحيني لأني رح انطر لشوفك بالكنيسة

وودعك هونيك ... وقلك امانة يا اختي

احضنيلي امي وبيي وحباب قلبي

سلميلي عالشهدا اللي راحوا ظلم

سلميلي ع شهدا الارض والوطن

يا اختي قولي لأمي وبيي اشتقتلهم

ونيالهم رح يستقبلوا روحك

رح انوجع كثييييير بغيابك ...

تبقي بالحلم ما تبخلي عليي ...

بحبك يا اختي يا نور عينيي

لروحك السلام يا اختي

---------- ----------- ------------

يحتفل بالصلاة لراحة نفس الفقيدة المأسوف عليها سهام شاهين خنفور الساعة الواحدة من ظهر يوم غد الجمعة 30 آذار 2018 في كنيسة مار اميل المارونية - قب الياس

لنفسها الرحمة ولذويها الصبر والسلوان


تعليقات: