إبن بلدة الخيام الجنوبية المسعف الشاب ربيع عباس فاعور

مع النبأ المؤسف امس، عن تسجبل 21 اصابة بكورونا بين صفوف مسعفي الصليب الاحمر اللبناني، ضجت مواقع التواصل الاجتماعي بصور المسعفين الذين ما ترددوا في تلبية النداء الانساني الى ابعد ما يكون عن الواجب ومقتضياته، وكان بينهم المسعف الشاب ربيع عباس فاعور (ابن بلدة الخيام الجنوبية)، هو وعدد من زملائه وهم في الحجر الصحي حاليا نتمنى لهم ولكل المصابين الشفاء العاجل.

إلى أخي ربيع،

إنّك تكون منتسب لمنظمة انسانية

فهيدا شرف عظيم

و إنك تكون صاحب أخلاق رفيعة

فهيدي صفة مميزة

وإنك تكون فاعل خير

فهيدي نعمة كبيرة...

كيف اذا كل هالصفات

اجتمعت بشخص متل خينا ربيع فاعور

و بفعل تضحيتو و اندفاعو لخدمة الناس

يتعرض هوّي و زملاؤو للإصابة بالكورونا...

خينا ربيع اليوم بالحجر الصحي

بعد ما تأكّدت اصابتو بالفيروس

و هوي الحمدلله بصحة جيدة

وانشالله بيبقى بكامل عافيتو ...

الليلة الجمعة

بدنا ندعيلو ألله يحميه

هوّي و كل شخص متلو

عم يتطوع بوقتو و جهدو

ويخاطر بحياتو

حتى يساعد الناس...

لخينا الغالي ربيع

و كل المتطوعين و العاملين بالجسم الصحي بلبنان

ألله يحميكن و يعافيكن...

إنتو أبطال

ربيع...نحنا فخورين فيك