لأول مرة بتردد..صحيح كتبت كثير بنفس الموضوع... بس موضوع الام.. والفراق...مثل موج البحر.. كل موجة ما بتشبه الثانية.

وبحكي عن القرف..واليوم عن الخوف..بلا ما نعمل ثورة لصالح انفسنا ولتحسين احوالنا واحوال البلد... بنجير الثورة لصالح الطبقة المستبدة... مع أنو: نحن الفقرا..المنتوفين..والمستبدين مريشين..يلعن الحمار وعيشتو..والخراب قادم.. ليش؟؟؟ كلنا بنعرف الصح وبنبعد عنو...لان الصح إللي بيحمينا بيضر بمصالح حكامنا..بكرة بيحطوا ضريبة عالحرف.

قلت بلحق حالي...مناسبة اليمة..ب21 ايار حسين وهبي ودعنا...وب23 رحلت امي.. يرحم كل الراحلين.

أيار الحزين

لا تسألوني..ليش بالهدني محتار؟

وعمر دفنتو.... بيشهر آيار

وكلمة اف بسمعا لما بكتب التاريخ

بعدك بتبكي وصرت بالعمر ختيار؟

يا إخوان مش بس رحلت بهالشهر

وحسين وهبي اعز صديق خلص المشوار

المصيبي بتولد كبيري وبعدين بتذوب

إلا فقد الام بيولع بقلبك...نار

مع كل نسمه هوا وطلوع شمس وقمر

بتتذكر الحنونة..منها الربيع يغار

وقد ما كثرت الويلات ونحن عايشين

عطف الام وحنانا بيحمي الدار

وحدك يا إبنها ما بتبدلك بكنوز

وبعيون غيرها ارخص من الدولار $