الخيام | khiyam.com 
الشاعر نعمان الساحلي.. في رثـاء المناضل الراحل هانـي عسـاف
يا خيام فيكِ بيولدوا رجال العظام
ومنك بيفلوا كبار وبيبقوا كرام
وهاني ابن عساف من بيته البتول
للسلم راية وللحرب شفرة حسام
مارد مناضل بالكرامة والأصول
للعز شبقة سيف عالغيمات حام
واليوم شفنا السيف نازل بالنزول
بعد التعب بالغمد بطيب المقام
لو ما حبوب القمح تغفى بالحقول
ما كان بيدر غلتو بالخير عام
يا خيام ضمّي إبنك بعطف السهول
رايح عا دار الخلد منهوك القوام
يا بو نديم ارتاح لو تعبوا الفصول
من الحزن ما منقول عالدنيا السلام
ما زال مع دمعة نديمك عم نقول
بعده ربيع جنوبنا بينفح خزام
ودمعة ندى بالحوض عم تسقي الشتول
بكلمة يا بابا تغص وتعيد الكلام
غاب المربِّي الكان في عنده ميول
يتوحد لبنان يشفى من الآلام
لا تخاف أبيّ الأرز مش ممكن يزول
والخيام إلها عز باقي عالدوام
منها الخيمة الكان ساكنها الرسول
وفادي البشر بخيامنا صلَّى ونام
الخيام مرجة عمرنا ومهما يطول
ما زال عنّا متل هاني بهالعرين
مـا في حـدا بيمـد إيـدو عالخيـام
يا بو نديم الكنت محمود الخصال
ومعدود من خيرة رجالات النضال
رحت وبقي مع عيلتك رسمك مقيم
الأبطال ما بتهدّها سنين الزوال
من قلب بيت عساف ما غاب الصميم
بعدك بطيف الروح بتحاكي العيال
وما مات يلي ورَّت البيت الكريم
بالهندسة شهادات من رزق الحلال
زرعك بقي ببدايتو موسم عظيم
أشرف مربي ومثل أفضالك قلال
ومن حزبك الماشي عا خط المستقيم
بنهج الشهادة عاش بيرق عالتلال
وأفدى جنوب العز بالعقل الفهيم
وقدَّم وضحَّى ومجد عزه ما نطال
بيتك بنيتو بأرض جنَّات النعيم
ومارد مناضل حط بالخلد الرحال
قبلك رحل أبطال مبدأها رخيم
عا جورج حاوي سلِّم وحاكي الكمال
وقلّن بوادي التَّيم ونصار الزعيم
بعدها بذات العقل وبذات الخيال
بدن مواطن حر بالعيش الكريم
وشعبه السعيد باقي بالجبال
وبمقاومتنا توجَّه العقل السليم
مع حزب الله كل ما هلّ الهلال
هن سياج جنوبنا الشافي السقيم
وسلاحنا المحمول ضد الاحتلال
ورفرف جناحك بالعز يا بو نديم
ولا تخاف عاجنوب الكرامة والفدا
مطرح ما زارع مرجلـة بيطلع رجـال
الشاعر نعمان الساحلي
مدير ثانوية الكفير الرسمية
* ألقيت في رثـاء المناضل الراحل هانـي عسـاف
موضوع أسعد رشيدي: "الخيام تُفجع برحيل إبنها المناضل هاني عسّاف"
موضوع عزت رشيدي: "هاني عسّاف.. هكذا يرحل الكبار"
موضوع: "المرحوم هاني عساف.. يوارى الثرى في بلدته الخيام..."
موضوع محمد صفاوي: "باسل وهاني.. رجلان مكافحان ومعطاءان خسرتهما الخيام"
موضوع فدوى الأمين: "رحيل الأحباب يزيد من آلامنا آلاما ومن اوجاعنا اوجاعا"
موضوع: "هانـي عســاف: خسائر مضاعفة"
موضوع سعيد الضاوي: "إلى الحبيب والصديق والرفيق...هاني عساف"
موضوع ادوار العشي: "هاني عساف.. إلى مثواه الأخير..."
قصيدة الشاعر نعمان الساحلي في رثـاء المناضل الراحل هانـي عسـاف
سجل التعازي بالمناضل الراحل هاني عسّاف
نعش المناضلً هاني محاطاً برفاقه وأفراد عائلته
تعليقات: