الفاتحة

الله معك يا حاج

مين ما بيعرف الحاج ابو رضا ؟

مين ما بيعرف صوته ؟

عم يقولوا انه مات ، انا ما بصدق ، لأنه الخير ما بموت ، والمروة ما بتموت

الحاج بالساحة ، وقبل شوي كان بالحسينية ، وصل شوي ع البيت يشوف الحاجة شو بدها غراض

انا جايي من الغربة ، دوّر ع طيفه

وين بدي لاقيه ، بسأل عنه الضيعة ؟ بسأل عنه الكويت وناسها ؟ بسأل عنه بيروت وعجقتها ؟

هو بكل مطرح ، وبكل قلب ، ومين ما بحبه ؟

الحاج هلق مع رفقاته ، اللي كان كتير مشتاقلهم ، كان عم يستنى هيدا اليوم ، وعم يدعي ربه انه يشوفهم بوقت قريب

مين رفقاته ؟ الدنيا وكل اللي فيها رفقاته ، بس هو قللي مين بحب يشوف اول شي

سألني عن ابو سعيد ، وعن ابو علي عبد الحسين ، وعن ابو محمد ، وعن كامل حسّان ، وصار يعد وانا ابكي

ما بكيت من الموت ، بكيت من الحياة ، لانه العمر بيمرق بسرعة ، والفراق كتير صعب

يا حاج ابو رضا ، سلّم ع كل يللي راحوا