هنا ينتهي الزفت إلى تلك البيوت: طريق تصلح للدواب فقط!

أرجو من موقع خيامكم العزيز على قلوبنا واللي منشوف ومنشم ريحة بلدنا ومنتابع أخبارها من بلاد بعيده عبركم، أن يسلطوا الضوؤ على وادي قيس اللي كنت عم ببني منزل حتى ولادي يتعرفوا على الخيام ويكوّنوا عندهم فكرة عن البلدة، اللي بيّي تركهاو كان عمره 10 سنين حتى أنا ما كان عندي أدنى فكرة عن بلدي الخيام، وبدي إنو إذا حدن سأل ولادي من وين انتو؟ يجاوبوه إنو نحن من الخيام، وليس كما كنت أجاوب إنو بيي من الخيام بس أنا عايش ببيروت وما بعرف الخيام...

أرجو من موقع خيامكم أن يساعدني وأن يسأل متى تزفت البلدية طريق وادي قيس قرب مزرعة التيتي والحج أبو شمعون حتى أكمل بناء المنزل ، مع العلم إنو الطريق العام موجودة، طالما لم تزفت الطريق كيف أن آتي بعائلتي وأسكنهم ببيت لن تستطيع الوصول إليه بالسيارة...

أكرر ندائي لموقع خيامكم الحبيب بأن يكتب مقالاً عن حال وادي قيس ويسأل البلدية متى تزفت الطريق، مقالاً مع بعض الصور ولكم من أولادي ألف سلام وسلام.