بعيدك يا أمي‎: عليّي سهرْتي ليل ونهار

بالورد لفّ الأم يا آذار

وشاح الأمومه لبّسك زنّار

عيدك ربيع العمر يا إمّي

ورود حلوة مفتّحة بالدار

من عُطُر وَردِكْ لو خدِتْ شمّي

فيها بسافر عا كِتف مشوار

بحنانك وعطفِك أنا ضُمّي

عليّي سهرْتي ليل ونهار

مهما زاد الأسى وكِبِر همّي

همّك يا إمّي ترفعي الأخطار

بشوفك يا إمّي ورود ملْتمِّي

حوْلي مزيّني الدّني مشعشعا أنوار

بشوفِك يا إمّي البسمه عا تمّي

عنّك أنا شو بِحكي أخبار

ما بنساكي يا إمّي كِيف مهتمّي

كرمالي مشيتي عالجمر والنار

كرمالك لو قدّمت كل دمّي

عمري إلك بقدّمو باختصار

عطيْتي كل شي إلي يا إمّي

بهديكِ بعيدك كلمتين صغار

* أبو غريب آذار 2012