غرام العصافير

عصفور عالغصن نافش بريشاتو ... وأنا من بعيد سامع للقلب دقاتو

محتار كيف بدّو يظهر بشكلو الحلو ... والحكم ناطر بدقة بيقيس خطواتو

والحكم عصفورة حلوة قتلها الشوق ... ومش بالسهولة ينال العصفور رغباتو

مثل دولاب يبرم ويغير الأشكال ... بيوصل إبن آدم بورقة صغيرة بليراتو

سمعت منّو لحن من اجمل الألحان ... بلّش حزين وبعد شويّ سمعت ضحكاتو

وبلمحة نفش ريشاتو عن جديد ... ولغصن عالي بعزم رفعوه جناحاتو

ما بعرف كيف غمرها مثل طفل صغير ... عاصدر إمه من الجوع حط دياتو