الأم هيّ الهوا والمي ومشكى الضيم.. بقربها ولو ميّة سني مرتاح بتضلّك

شكيت لأحدهم يتمي -- فبكى لي يتمه .

أصعب اليتم حين يرحل أحدهما حاملا" للأبد ألعطف والحنان معا" .

فمن يعوّض على اليتيم العطف والحنان ؟

شكيت له خسارتي لأمّي --بكى خسارة أبوه .

شتّان ما بين اليتمين -- طيّبت خاطره بأبيات أسميتها:

اليتم ألحقيقي

مات بيّك؟ لاتزعل مبروك رح قلّك ... تركلك بهالعمر حنوني مع إخواتك تلمّك

الأم هيّ الهوا والمي ومشكى الضيم ... بقربها ولو ميّة سني مرتاح بتضلّك

لو الإم هيّ الراحلة كان بعد إسبوع ... بتطلع صرخة البي وبيخلّي عمرك ملبّك

بدّو مرا صعب يعيش بالبيت وحداني ... وإذا فاتت خالي عالبيت يا ذلّك

بتصير مكسر عصا كل ساعة بال 24 ... الفرح والدلال لمرتو والقهر بيشلّك

إنت فشّة خلق وإنت ضعيف يا مسكين ... طفل وما حدا عا درب الخير بيدلّك

وحدها الحنونة الباقية جنبك بالهالعمر ... بتقلّك بقلبي نام وأنا نايمي بظلّك

assaadghosn@live .com