عايش بقلب السجن مقهور وكل يوم بعد يوم رح تندم

ألأحلام هي المهرب الوحيد الّذي يحملنا على بساط الرّيح لنحلّق بين النجوم حيناً ونتجاوز المجرّات أحياناً.

ينقلنا الحلم إلى عالم نحقق فيه كل رغباتنا.

ينقلنا إلى عالم مليء بالسعادة والفرح.

وأجمل ما فيه العودة بنا إلى سنوات خلت

إلى عمر الطفولة بين أهل وأقارب رحلوا.

فكيف إذا كان حلمي : نبع الأحلام؟

نبع الأحلام

براسك حلم والحلم عم يحلم ... وحلم الحلم من الحلم ما بيسلم

حلمك يا إبن آدم بيسهّل اُمور ... ومن الواقع المر دروس تتعلّم

بتحس حالك بالقفص مأسور ... وكلمة صغيرة ممنوع تتكلّم

بتشبّه نفسك بشي عصفور ... صوته حلو وعالحلا تغرّم

عايش بقلب السجن مقهور ... وكل يوم بعد يوم رح تندم

النحلي كل عمرها تشم زهور ... ولسانها برحيق زهراتها مغرم

حياتها خوف من سطوة الدبّور ... ومن لسعاته القوّية كثير تتألم

الأرض خضرة وأرضك بُور ... الكل عمّروا وعلّوا الدور

وبأر ض مسلوبة بعدك بتحلم