حكامنا الشرفاء.. قالوا أمريكا بتحمينا

عندما نتحدّث عن الشرف ترتفع هامات كثيرة..وأكثريّة هذه الهاماتأصحابها لايعرفون الشرف إلّا من خلال تصرّفات أصحاب الشرف>

يسرقون خزينة الدولة بإسم الشرف

يقبلون أيادي قتلة أبناء شعبنا العربي في فلسطين في مصر في العراق في ليبيا في السودان في تونس في البحرين في لبنان والمؤامرة الكبرى على الشعب السوري

اليوم.هديتي البسيطة لهم :[ (حكامنا الشرفاء)(حرامية)].

بكونا وبكيوا علينا ...ذبحونا بحد السكّين

تركوا الدمع بعينينا...وما سألوا عنّا الحلوين

نار الحقد بتكوينا...بنظرهم صرنا مساكين

وجودهم شو تمنينا...ضحكوا وقالوا مجانين

مخدّي بالدمع روينا...عا هجرن زاد الحنين

أصل الحكّام بلاوينا...بالنفط وماله مبسوطين

كنوز الدنيا ما بتغرينا..بقينا وكنّا متحدين

الخيرات بتحمل إيدينا..وأصحاب الحق سلاطين

وأمريكا قالوا بتحمينا... وعملت لشعبي الكمين

لعبة عم بتخلّينا... بإيد إللي إغتصبوا فلسطين

وحتّى ترضي مسؤولينا...حطّوا سمومهم بالعجين

ويا رغيف ا للي جايينا...تعبنا بقمحاتك وطحين

ويا مسؤول لوين مودّينا؟..وإنت اللي سرقت ملايين

بالدمّات الأرض روينا... حكّام بلادي مهووسين

ويا حاكم شو بتعنينا؟...إنت مين؟ ونحن مين؟

إنت غْنيت وما غْنينا...صرنا فقرا وشحّاذين()

مقاوم للنصر مودّينا... الوطن إلنا وللرب الدين