انت فيروز وحدك عليي بتفهمي حابب.. أنا وياكي عهد الطفولة بضيعتي نسترجعو

وينكن ما في حدا عالصبح نحكي معو

الكل نيّام بندهلهم رجع الصدى عم اسمعو

انت فيروز وحدك عليي بتفهمي حابب

أنا وياكي عهد الطفولة بضيعتي نسترجعو

غنّي تاالك ميجانا يا ميجانا وبالعتابا رندحي

خلّي طيور الفرح عا صوتنا يرقصوا ويتجمعوا

والقمح عا بيدرو يحكي للدني حكايات

لعصفورة الدوري للنورج حصانين عمّا يبرمو

للمدرسة لطرقاتها لأكلت من جريهم

تلاميذ كانوا صغار عالدهر يمشوا بس تا يتعلموا

لخالتي لأالله يرحما لدكانها لي كان

موسم حكايا للشباب وللصبايا يبيعوا ويشتروا

لستّي لما شفتا ولا شفت جدي

لقعدة كوانين الفحم نقلب بهالجمرات تا يشعلوا

وكتير يا فيروز عندي كتير قصص وروايات

غنّي انت فيروز ما أجملك ويسعد صباحك هالحلو

اصحوا بقى طلعت القهوة والشمس يالله تعوا

...

عناّ الشتي طايف وطاف الزرع بالمي...

والسما اسودت وما عاد في حدا بالحي...

وبعدنا بتشرين يعني البرد بعدو بعيد...

وشفنا الشمس خلف الجبل طلعت من شوي...

ليش خفتوا وعن عينا غبتوا معقول...

كل القصص رح تنتهي والعشق بيناتنا عم يستوي...

راح ظل أنا ناطر تيصحى الطقس ...

بلكي متل ما الأرض ارتوت بالمي ..

قلوبنا من الحب يمكن ترتوي ....

وأسرارنا لخبيتها بزوايا البيت..

ضجرت وصار بدها تحكي ...

قلتلها نامي وما تفضحي القعدات...

بكرا الشتي بيخلص وبيرجعوا النسمات...

وبيطيروا شعرك وعشقنا بيكبر ...

وبصير حبك أنا بالشتي متل الصيف وأكثر ....