حامل صوت سنابك خيل مادد عاوج الرمل

هوا العراق

هوا جاي من العراق

في متل صوت البكي

وفي رنة حديد

وولاد عم تركض ودربكي

وخيام بالفلا

وعجقة رجال مشغولة بالدعى

وعيون تايهة

تدور عاحدا

هو مشغول بالصلاة

وهي عليه ملبّكة

هوا من العراق جاي

وقت الشمس مشغولة بزعبة الليل

حامل صوت سنابك خيل

مادد عاوج الرمل

والرمل مشغول بصوت الحدى

من ميل خير

طايف عا صحرا العرب

ومن ميل خيل

ترد المي لصوبو هرب

وفجاءة وقف الهوا ....

علي صوت الهمهمة

ومتل الشتي نزل حد الويل

ولمع السيف

صدر انفتح عاباب السما

وكف انشلح يدعى بالهوا

انكسفت الشمس

ونزلت رايه رفعها نبي

هب الهو ا من جديد

جايب خيالات

راية مخرّقة

وشايف نسوان عاتل عالي

رنة خلخال ... سلسال حديد

ملفوف عا حرير المملكة

في فرس مهمومه باول الطريق

عينا عشمس معلقة

عا رمح مسنونة ومضوية عالدني

هوا العراق

يا مغّرق بالحزن

يا معشّق بريحة نهر يتيم

وورق شجر مستحي

يصرخ يا خجلة النخيل

جيبو دمع يسقي الرجال

نهري عليل

........

في نسمة بكي

وفي نهنهة

وفي صوت نهر غير

ميتو بتسقي القلب

نبعها شرش العين

بيتفجر صخرها

عا اول كل سني

هوا العراق

في نسمة بأخرو

فيها ريحة ياسمين الشام

ريحة اهل

وصولو عا مهل

نزلّو الهودج

ونزلو متل ملايكة السما

رفعوا راية مخزقة

وكبروا ....رفعوا صلاة

وقالتلو انت وانتا

ورب العباد بيناتنا

لأخر الدني