بستسمحك نزار قباني

حبيت منك هالكلمات

وحبيت إهديها لحبيبة قلبي

بعيد ميلادها.

ومثل ما بيعني إسمها

"وردة جورية حمراء

وطلعت من تحت الثلج"

تحدّت الشتاء والبرد

بعز كوانين

شقت الأرض

وطلعت فوقها

لتتحدى الصقيع

وتعلن مولد

ربيع جديد

ربيع الحب والحنان

ربيع السعادة والإطمئنان

ربيع وبعزّ الشتاء

خلق عندي لغز كبير

لغز صعب التفسير.

فتشت بمعاجم اللغة

على معنى ثاني لإسمك

لاقيك معنى حلو كتير

معنى لو فكرت فيه

عرفت قديش

هالإسم لايق عليك

وغير أنك "وردة جورية حمراء"

فإنتِ "الملكة السعيدة"

وإنت فعلا ملكة

لأنك ملكتي قلبي ووجداني

وخليت السعادة

عنوان حياتي

اللي إبتدت معك

من عشر سنين

ومكملة بإذن الله

لأبد الآبدين.

صدّقيني ..

إحترت بعيد ميلادك

شو إهديك

لا المال ولا الهدايا

لاقيتها بتساوي

هديتك إلي

الثلاث وردات

ما شاء الله

الله يحميهم أولادنا

اللي نذرنا نفسنا

مثل كل بيّْ وإم

حتى نربيهم

ونوصلهم لبرّْ الأمان.

وبعد طول بحث وتفكير

لاقيت أنو المحبة

أثمن وأغلى

من أغلى هدية

ومثل ما بديْت كلامي رح إنهيه

"كل عام وأنت حبيبتي".

.........

* رائد حكمت طويل –

إهداء إلى ملهمتي ورفيقة دربي إم حكمت بمناسبة عيد ميلادها في التاسع من كانون الأول (ديسمبر).