صحيت الصبح بكيّر ما كان عندي شي

قلت يالله بكتب رسالة بلا عنوان

قلت هيك مش فارقة وين بدها

تروح خلّي تروح..توصل للعراق

لشعبها المذبوح..ودمو لسايل

بأرضها بسوح..مر بمصر أم الدني

اسألهم عن الإنسان لضحّى بدمّو

تتعود مصر أم العرب..تا ياكل ويشرب

مش تا يجو الإخوان..وعرّج عاليمن

وذوق طعم الفات..يمكن بعدها تفهم

ليش عم يتقاتلوا ان كانت صنعا العاصمة

يما عدن..وروح سلّم عا ليبيا المختار

اسألهم اذا بحرب العشائر بنبني

وطن ينزار...وخلّي الرسالة تعبر لتونس

الخضراوتنظر بأمرا..عالبحرين لشعوبها

الحرّة..وفوت خلسة زور مكة وحج النبي

وصلّي وحاذر اذا شافوك يمكن يتهموك

بالكفر أو ينزعوا عنك جلد العروبة وألف

جلدة يجلدوك ..صلّي عالنبي..وكفّي

طريفك عا معرة النعمان عالشام

عا إدلب واسأل الإخوان ليش خرّبتو

البلد..حاكم قطر حامل معو الفتنة ومش

وحدو مشروع أمريكان..أوعوا ووقفوا

هالمسخرة دم الطفالا والشعب ل تشرد

عم يندهوا حاجي كفى مش هيك

بتنبنا الأوطان... انشالله رسالتي توصل

لكل العرب.. بس مصيبتي إنّو رسالتي

بلا عنوان....