والدة رائد طويل مع مع بعض الأبناء والأحفاد

تحيرت كيف إبدا معك كلماتي

يا أغلى مخلوقة بهالدني

صارت الكلمات ع كترها تهرب مني

خايفة تعجز تعطيكي حقك

لأنو الكلام ومهما كتر بيوقف عاجز

عن وصف أمي الغالية

نبع الحنان وبحر العطاء

اللي أدت دورها كاملاً

وتقمّصِتْ دور الرجل

اللي إفتقدتو بأحلك الظروف

وقادت سفينتنا لشاطيء الأمان

وحققت الآمال ورفعت الرأس

بإنجازاتها الإنسانية الهائلة.

أمي يا نبع الحنان إللي ما بتنضب ميّاطو

يا مثال للتضحية اللي ما إلها حدود

بوجودك زاد الأمل والحب

وبطهر دياتك ترَبّينا وبدموع عيونك كبرنا

قديش حابب إرجع طفل صغير

حتى إرتمي بحضنك الدافي

وملّي عيوني بنظرة عيونك

اللي بيعطوني الأمل وبيمدّوني بالقوة

حتى إيديك يا حنونة بسْتحلي

دايما بوسها وحطها ع راسي

وأشكر ربّي ليل نهار ع هالهدية

وأطلب منو يديمك فوق راسنا

نحنا وأولادنا اللي ما بيفرقوا عنّا

بمحبتهم إلك ولعطفك وحنانك

أمي .. يا نبع الحنان

النبع بذاتو منك إستحى

وخبّى عيونو خجلان

لأنو، ومع كل غزارة ميّاطو،

ما قدر يجاري غزارة حنانك.

يا غالية .. يا أغلى الغوالي

من ربي بطلب وبترجّى يسمع دعائي،

ياخد من عمري ويعطيكي

لأنو العمر كلّو بيرخص

قدام كل ذرّة من رضاك.

..

*رائد حكمت طويل: الإهداء، إلى نبع الحنان "أمي".

رائد حكمت طويل: أمي .. نبع الحنان