طلْ صُبح جديد وخيوط الشمس شقشقت الغيوم

قِمنا شربنا قهوة وشاي مع لبنة وجبنة حلوم

ورُحنا بهالجو الحلو أنا وجدِي نسلق علتْ وتُوم

قعدنا صَوب مطل الجبل وقطفنا عنب وتفاح وحصرُم

وحَمَامات السلام ترفرف فوق راسنا وبسما الخيام تحوم

مَيل عالدردارة يؤبرني جمالها وشوف هالبطات عم بتعوم

بس يلي بيزعلك وبدايقك على بعض الناس يا عيب الشوم

ما بدي احكي وشوِه صورتها بس لتصليح الغلط ملزوم

ترمي الوسَخ بميتها وشباب صار عندا الحيا معدوم

بس النص التاني متل الوردة ولكل الناس خدوم

وصبايا تزين بيوتها وجمالها من الله مرسوم

وختيار قاعد قدام بيتو والبسمة على شفافو مهضوم

وولاد تلعب بزواريبها وتوقع على الارض وتقوم

قلولي بتعشقا قلتلون ولك طبعا واكيد ومعلوم

بيخطر على بالي إسمك بتشيلي عن قلبي كل هموم

من رحمها تخرج كاتبين وشعرا وناجحين بالعلوم

بسهلها الاخضر دبابات العدا اتدمرت والجيش وقف مصدوم

ومُعتقلها قصة صبر وعيون محرومة ما شافت راحة ولا نوم

كرمال ترابها ضحَى الشهيد بدمَاتو ربي ترحمهم يا حي يا قيوم

ومقاوم بطل مرابض على حدودها ويتغزل بليلها وبالنجوم

بس ناطرين يا سيد حسن الأمر وتطلع من تمك كلمة هجوم

لحتا نخلي عاليها واطيها ونزلزل الارض تحت القدوم

ربي تحمى بلدنا الغالي يا الله وتخلي المحبة والاحترام يدوم

..

* بقلم حسن أحمد نصار