من دون سابق موعد

وقعت عيوني عليكي

شفت البدر قدّامي

عم بيهلّ بكامل قوامو

حسّيت بلحظتها

بإحساس غريب

إنمَحِت عندو

ذكريات الماضي،

ومن غير قصد منّي

ضاعت عيوني

بسحر عيونك

والشَعْر يا أصحابي

لا تِسألوني،

أسود سواد الليل

فوق الوجه

اللي بيشعّ نورو

وهالقدّ الممشوق

والجمال الربّاني،

حرام عليكِ

جمالك قتلني

وضيّعني بعالم تاني

وسرّح تفكيري

وما بعرف

لوين ودّاني.

معقول يا قلبي

وقعت بالغرام

من أول نظرة،

معقول كل شي مضى

صار ذكرى،

سحر عيونها

ما إلو دوا

مثل السهم

بيصيب وبيقتل

ومن غير إستئذان،

سبحانو الله اللي عطاكي

إرأفي بعبادو

ولا تتركيني ضايع

بسحر عيونك.

..

*رائد حكمت طويل