هالِإسم عَجبين الزَّمَن مَكتوب .. .. الإِمّْ الحَنوني حاملي هَمّْ الجَنوب

عَين سَهراني عا جَبَل عامِل .. .. وعَين عَمتِحمي سَما العَرقوب

كانِت أسيري وعَمتعاني بأَسرها .. .. والظُّلم عَمَّر سِجن عاكِتفها

تِسمَع صَريخ ولادها باللَّيل .. .. يا حَصرتي عا قَلب ذاق الوَيل

عَتمِة لَيالي شباط تِشكي حِزنها

وهَبِّت كَرامي بْطَلِّة الأحرار .. .. وحَطّ إِيدو بإِيدها أَيَّار

بَعد الوِشاح الأَسوَد وقَلبا الحَزين .. .. بْشَمخِة بُطولي نَفَّضِت الغبار

وقامِت عَروسَة لابسي لَون الثَّلج .. .. ومدَلَّل الفُستان عا طول المَرج

عا خَصرها الوَزَّاني كافِت سَيْل .. .. خَرَز عَميُبروء عَتاني مَيل

وِديان مِذرِيّي قَصائِد بالغَزَل .. .. وجبال تِهتِفلِكْ بِأَصوات الحَجَل

بحبِّك يا نَسمي مفَوّْحا عُطر يَسمين .. .. بحبِّك يا قَلعة شامخا فَوق السّْنين

بحِبِّك زَرَعتي شَوق بيقَلبي وحَنين .. .. سُبحان خالِق الجنِّة بجَمالا

كُنوز الكَون ما بُرضَى بَدالا

* أبو علي إبن المرج

أنقر هنا للإستماع إلى القصيدة بصوت الشاعر أبو علي إبن المرج