مرج الخيام.. جار الرُّوح

جار الرُّوح

روحي بتِندَه جارها سَهل الخيام .. .. بائي مَعَك بِدعيلَك تعيش بسَلام

روحي اْفتِلي هَونيك يا نسمي وتَعي .. .. وردِة لعُطشِت شَرّبيها مَدمَعي

مَيّلي صَوبا يا رفوف الحَمام .. .. وإِحكي عن الغُربي وشو صايِر مَعي

كيف الكِنايي .؟ عَمراني أعداتها .؟ .. .. عمحِنّ للَّطوي تَحت فَيّاتها

بتِشفي قَلب مَجروح غَبرِة تراباتها

يا مَرج الحُبّْ يا مُخلِص حَنون .. .. يا مَصلى دِبئ عالشَّوك لِلحسُّون

يا مسرَح ومَرعى للفِرّات والمَطوق .. .. يا كومِة العِلَّيء لي مرافقا الخَندَق

بِخيالِك مخبَّى جرجير وحَبَق .. .. فراكي وصحن تبُّولي مع كاس العَرَق

هَون القصيدي بيِيسكَرو أبياتها .. .. وزِرّ الورد بكِّير بيفَتِّح طَبَأ

تَنشوف كِف بيغازِل المَرج الطَّقس

حَيَّرني لْمِن جْبال الشَّيخ طال الشَّمس .. .. بيِبقى مَعاها للعَصر يِحكو هَمس

يكَزدِر عَجَنبا تاتروح تنام .. .. بِتودّعو بألوان لا زينِة عِرس

والقَمَر هَونيك بائي صَلب عا مَوقَفو .. .. كِلما يْطُلّْ الدَّردارَه دِغري بتُخطفو

بيِغرَق بِنورو فَرَح من لَمْعاتها .. .. وكِلّ اللّيل مبَورِد بميَّاتها

بيَعرِف طَريقا محَفّظيتو الدَّرس .. .. دَرس التاريخ لْحَافرو البِستان

هيبي ومَجد من ماضي الزَّمان .. .. خَطّْ الأفندي حروفها بالأمس

ومِشيو ومِشيَت مَعهُن الإِيَّام .. .. انجَبرِت عيوني ما تعود تنام

آآآآآآخْ الألب شو اْشتاء لا مَرج الخيام

أنقر هنا للإستماع إلى القصيدة بصوت الشاعر أبو علي إبن المرج