الكاتب أسعد غصن

مش المسؤولين عوّدونا عالشحاذة، نحن بطيب خاطر وعن عجز أكسبنا حالنا هاللقب!

عاطول عبارات الشحاذين:

يطول عمر البيك جبلنا المي...

يطول عمر الوزير زفّت الطريق..

الله يحفظ البلديّة مدت كهربا (ويا ريت ببلاش) من دهنو سقّيلو...

شو واجبات المذكورين فوق غير خدمة الناس؟

ومن مال الناس!....

من قبل كان الغنّام يتبرّع بالغنمة... يذبحها... ينظفها..

والإقطاعي يعطيه الكرش...

يبرم عا بيوت الضيعة يفرجي كرم سيدو... وبعدنا بالوراثة.

فيقوا!...

إنتو بتعملوا النايب والوزير بس مع الأسف البلديّة بتتركب....

وشو ما عملت البلديّة كلو بثمنو وما حدا يتشاطر عا حدا ويتخبّى بظل إصبعو.

إنطلاقاً من كونه منبراً حراً لكافة أبناء المنطقة، يُلفت موقع "خيام دوت كوم" الألكتروني إلى ترحيبه الدائم بنشر كافة الآراء والتعليقات والأدبيات التي ترده ضمن حدود اللياقة والإحترام في التعبير.