بفقيد الشباب الغالي جهاد خليل شمعون: يا غالي وينك من هالدني

جهاد يا جار الرضا

يلي عمرك قصير نقضى

شغلك من أحبابك أخذك

وعلى اللحد بكير نزلك

أهلك منك ما شبعو

حرقة بقلبن تشيعو

الشباب ع السهرة لقولك

بجمعتن معك بينطرونك

فاطمة ع غيابك صارت تفقدلك

بالبيت كيف ما دارت

امك كانت كل يوم تشوفك

انحرمت منك ومن نورك

محمد ولم وحسونة

كلمة بابا صارو يحنولا

اخوتك بجمعتن بيفقدولك

وينو أبو محمد ينادولك

عمك وولادو ناطرينك

تا تجي ويعرفو شو أخبارك

الجيران بسهرتن بيتسلو

على رفقتك الحلوه صارو يتمنو

يا دهر خاين ويا زمان قاسي

حرمت أطفال وبكير تقاسي

أولادك اليتامى بعمرن صغير

ما بيعرفوا شو مخبى وشو المصير

هم كبير إمٌن حملتا

بعدك هالحمل لزمتا

صحيح أهلها كلهن حدا

بس إنت كل يلي بدا

طلتك عليها بتسوى الدني

يا غالي وينك من هالدني

فاطمه بالمنام زورني تناديلك

ما تحرمني منك دخيلك

من هل دني انحرمت منك

ما تبخل علي اشتقتلك

طل علي ليلة الجمعة

بحق الملائكة المجتمعة

لبس السواد بكير علي

ع حبيبي قلبي وعيني

الله يصبرني على فراقك

شو صعبة الفرقة يا بيي

امي الحنونه حدي

بقلبا أنا وأولادي مخبي

أمر الله وصار علي

إنشأ الله بالجنة يا بعد عيني

بحق الشهر الفضيل

إلي أخدك مني هو الكفيل

الحسن والحسين يكفلوك

هني من بعد الله يرعوك

ذكرى اربعين فقيد الخيام الغالي جهاد خليل شمعون (أبو محمد)

يصادف نهار الاحد الواقع فيه 15/9/2013 ذكرى اربعين فقيد الشباب الغالي جهاد خليل شمعون.

بهذه المناسبة يقام مجلس عزاء عن روحه الطاهرة في حسينية بلدته الخيام عند الساعة العاشرة صباحا.

للفقيد الغالي الرحمة ولكم الاجر والثواب

لا اراكم الله مكروها بعزيز

انا لله وانا اليه راجعون

ولا ننسى جهود القيمين على موقع الخيام والذين لهم الفضل بتعزيز التواصل بين كافة أبناء البلدة، داخل الوطن كما في بلاد الاغتراب.

سجل التعازي بفقيد الشباب الغالي جهاد خليل شمعون (أبو محمد)