الكاتب أسعد غصن: وقفوا هالمهزلة وحاكموا المتهمين الحقيقيين وبلا هالحركات (القرعة) المكشوفة للعميان

إخواني،

من زمان لمّا بشبابي كتبت عن بواخر تهريب الدخّان.. وقدّيش المهرّب كان محترم وكل أجهزة المرافيء. يعني بوابات الدخول على بلدنا كانت بخاطرو، يوصلولو التهريبة على مستودعاتو ويحموها حتى تنباع وبعد بيع المهرّب بتستنفر الأجهزة المختصّة بمكافحة التهريب تبرم عالمحلات الصغيري وتصادر الدخّان المهرب والدكنجي الصغير يتبهدل ويتغرّم وينحبس ويقولوا عنّو(مهرّب).

ويومها كتبت بمذكّراتي: النملة تحت المجهر بتبيّن قد الفيل بس الفيل تحت المجهر مستحيل يبين واليوم مثل كل يوم من هذيكي الإيّام لليوم مل تغيّر شي بنحبس الضحيّة وبنفلّت القاتل ولمّا كنت فاتح محل سمانة (بالداون تاون اليوم) كانوا ياخذوا من عندي بسمّوها عيّناتكل مفتّش عبالو: قهوة حمص عدس ألخ ينزل عالسوق يجمّعو مئات المحلات وشوف قدّيش كمّية العيّنات؟؟؟؟

وانا عصبي من زمان اصرخ ليش ما بتاخذوا عيّنات من المحمصة أو من مستودع الحبوب يسكتوني حاميهم رجال أمن شوبنّا بطولة الشرح واليوم بشوفوا فخذ الفرّوج أو فرمة اللحمة ويتجاهلوا المزرعةاو مسلخ اللحمةأو اللحوم المستوردة سوبر ماركت؟ مطعم؟؟؟ وكل المتّهمين شو ذنبهم (مش عم دافع عن الفساد) بس إذا بنّا نقتل الحيّة ما بنجرح ذيلها؟ بنقطع راسها بنحاسب التجّار الكبار والمزارع واللللللللل؟؟؟؟؟؟

إذا واحد عطاك عملة مزوّرة إنت بتروح عالحبس والمزوّر(بطل)

إذا يتغاروا على هالشعب حاسبوا الكبار المسؤولين عن كل الفساد وما تطلع فشّة الخلق والعنتريّة عالصغار بهالبلد: فالج لا تعالج كل المهربين وتجّار السموم والمأكولات الفاسدة معروفين هنّي الحكم.

داهموا مستودعات المستوردين؟؟ صعبي؟؟؟ مستحيلي؟؟؟ ما في ضو أخضر؟؟؟ ما في قرار دولي؟؟؟ وإقليمي؟؟؟ وداخلي؟؟؟؟

وقفوا هالمهزلة وحاكموا المتهمين الحقيقيين وبلا هالحركات (القرعة) المكشوفة للعميان

بتمنّي وأنا بهالدني إسمع إنّو مسؤول حاكم مهرّب كبير أو مزوّر كبير وعلى رأي الممثل السوري أطال الله بعمرو: أيمن زيدان: عوجة؟؟