غرَّد عصفور الوادي ومن عِشُّو طَلّْ، والشمس بنورا تفَوِّح نسمات الفلّْ

غرَّد عصفور الوادي ومن عِشُّو طَلّْ .. .. والشمس بنورا تفَوِّح نسمات الفلّْ

وتفرُش سجّاد الورد مشكشك الوان .. .. ومنجَيرة صَوتا يحنّ من سكوت التلّْ

من النَّبعة منَدِّي وِجُّو بريق الفخَّار .. .. والرَّكوِة تاكُل قهوة وتِغلي عالنَّار

كِلّْ الأحباب التَمُّو مليان الدَّار .. .. خِذني يا وقت لعندُن واترِكني وفِلّْ

النِّسر محَلِّق بالجوّْ بيِحمي ولادو .. .. ومنقل خبَّى جمراتو بحُضن رمادو

مهاجر ضايِع عميُبرُم بدُّو بلادو .. .. عالوِحدِة وهمّْ الغُربِة من عُمرو مَلّْ

* أبو علي العبدالله