الكاتب أسعد غصن

بأيّار من42 سنة ..إمّي ودّعت هالكون

ومن بعدها تغيّر العمر بألف لون ولون

الله يطوّل بأعمار كل الأمهات...ويرحم الراحلات منهن

ما حدا يقول: صار عمّو أبو سامر ختيار..جد...

بعدني عايش مع إمّي طفل صغير..وياريت برجع

وبنام بحضنها ليلة واحدة بس,,وبعدها بموت..ما حدا

بيعبي فراغ الإم...ويمكن يزيد الفراغ..فراغات.

كل يوم بناجيها..بحكي معا...ما بسترجي إشرح

حالتنا بعد رحيلها..بخاف زعّلها..بس هي أكيد

بتعرف كل شي...لأنها وإن غادرت هالدني؟؟؟؟

ما غادرت قلبي وكياني..بكير اليوم كتبت كم سطر

وحبر الكون ..عاجز عن شرح حالة اليتيم المرمي

بعد رحيل إمّو..وكثار معي بما سمّيتو يوماّ ما:

قارب اليتم.

لو بتعرف قدّيش كرهتك يا شهر أيّار؟؟؟؟

فيك أصبحنا يتامى..كويت قلوبنا بالنار

و بعد أكثر من أربع عقود من العمر

حبّيتك..فيك رفعت راسي ..بهمّة الثوار

إمّي لو كانت عايشي..كانت كثير زعلت

ما علّمتنا الكره علمتنا حسن الأدب والإختيار

برثيها ...لأنّو الدني بعدها تغيّر شكلها

ومن بعدها خسرنا الهنا وخسرنا حجار الدار

ويا أبطال:إنتوا قلوبنا ودمنا والهوا

مع إمّي بجنة ربنا وحدكم أبرار

الجنّة مش بالصلا والصوم..في دستور

كتبو ربنا وإللي بيخالفو..مصيرو النار

رفع الميزان وعالعرش إستوى..ربنا

أوعى يا إبن آدم تخالف وصيّة وتبدّل المعيار

مثل اسنان المشط..ولادك بالعمر راعي

ما بينفعك هونيك غير عدلك بآخر المشوار