أسعد غصن: يمّا نحن قتلنا الفرح أو نحن هرّبنا الفرح، وبيقولوا الفرح بيطوّل العمر... ما بيسوى أعمارنا تطول؟ ممنوع نفرح؟

الفرح؟؟؟ كلمة حلوة لما بنسمع فيها... وبنشوفا... زمان كانت الحياة.. معبّاية فرح..مش بس عند الصغار...وعند كل الناس من كل الأعمار...ما كانوا يتركوا ولا مناسبة مفرحة..إلاّ والكل يحيها...وخصوصاً الأعراس...والدبكة...ولاد من الجنسين...صبايا وشباب..وختياريّة حلقة الإيد بإيد...والكل يعوتب وعيسى عالمجوز...ومن ضيعة لضيعة ينسمع صوت أو هدير الناس ...واهل الجنوب عندهم هالعادة...والعرس اكثر من ليلة والدبكة..والعتابا وعيسى وبالإيّام العاديّة الصبح تسمع صوت فيروز من كل البيوت...وبالليل صوت إم كلثوم..جيلنا والأجيال إللي قبلنا ربيوا عالفرح...وبالصيف نص الخيام بالسهل..بالتين بالخيم وعالطريق

حفلات الغنا والفرح والرقص للصبح...دربكّة وأغاني.

..

وبعد ما كبرنا وبتمشّى بشوارع الخيام... بنحس بغرية ناس كثير... ولا صوت موسيقى؟

يا ترى شو تغيّر؟

سؤال بريء ..بس كبير... بنسمع وبنشوف معظم الضيع اللبنانيّة بتعمل مهراجانات والعالم بتقلدنا لمّا كنا زمان نعمل الأفراح...

هنّي سرقوا أفراحنا.. يمّا نحن قتلنا الفرح أو نحن هرّبنا الفرح؟؟؟؟؟

وبيقولوا الفرح بيطوّل العمر...

ما بيسوى أعمارنا تطول؟ ممنوع تفرح!...