في مثل مصري بيقول:الجنّة من غير ناس...ما بتنداس..

مع إحترامي لكل كاتب أو شاعر كتب عن الخيام.. كتاب.. موسوعة.. ديوان

أو أي مؤلَّف.. بيحكوا عن إسم الخيام... عن معالم الخيام... عن جمال الخيام.

المهم صمود الخيام...ولو ما فيها بشر..ما كانت بعدها...الخيام..وبين هالبشر

في كثار حاربوا الجهل والإقطاع...يوم كانت الخيام تنتقل من إستعمار لإستعمار

وقفوا بوج الظالم...تحمّلوا القهر والضرب....وقلال الوقفوا معهم ..ناصروهم

بأضعف الإيمان...نعم قلّة ما رح عدّ أسامي أصحابها...كل واحد يكتب عن واحد

من هالقلّة...مش بس الإقطاعي حاربهم...كمان أزلام الإقطاعي..شي طبيعي

من زمن قابيل وهابيل..الإنسان طمّيع...إثنين تقاتلو عا نص الدني..واحد قتل الثاني

وكثار مشيوا مع الإقطاع لمسائل شخصيّة...(المنفعة)عا كل صعيد..مهمتي

اليوم إكتب عن أقرب الناس إلي:جدّي أبو علي عبد الحسن عواضة...إبن

أبو عبدو إبراهيم عواضة...

كان مزارع بالمرج...ياما قطعوا المي عن الأرض الزارعها...واليوم نحن

بشهر محرم ...شعر قطع المي عن أحفاد الرسول(صلّى الله عليه وسلّم)

تهاجم كثير وإنضرب...وما إتراجع...ولمّا قرف من زراعة الأرض..حب

يرتاح...عندو 7 دونمات بالمرج زرعهم كرم عنب...الجيل القديم بيعرف

هالحكاية...بعثوا ناس وقصّوا العرايش؟؟؟؟؟؟؟؟

ما رح زيد...كمان إبنو محمّد عواضة(أبو غالب)كمان حاربوه..كان رئيس

جمعيّة إبناء الخيام الخيريّة...وما حدا من جيل اليوم بيعرف,,إنّو جبّانة

الخيام محمّد عواضة صوّن الجبّانة بهمة شباب الخيام وجهودو.وما كتب

إسمو على رخامي...واليوم كل محسن بيركب حنفيّة بالجبّانة بيحط إسمو

على رخامة عا مدخل الجبّانة...طوّلت بس إختصرت..وبعد إلها كفاية

لمّا رجل دين هاجم عبد الحسن عواضة من قلب الجامع ولتعرفوا عبد

الحسن عواضة شو عمل....؟؟؟؟؟بالجزء الثاني .

ملاحظة هامة:بتمنّى من كل حفيد ام إبن حفيد يكتب عن رجل مهم كان

إلو بصمة بالخيام (خيرة) مثل عبد الحسن عواضة.

خاص للمؤلّفين:

بيكتبوا عن الخيام...بيحطّوا صور

صور الخيام ما بتحوي غير الحجر

بيوت..اثارات..قولكم وين صحابها؟

مش مفروض فينا نحكي عن بشر؟؟

الأرض باقية وصحّة تاريخها معروف

لازم نحكي عن الناس ....التركوا أثر

بنمجّد الخير إللى دافع عن تراب الأرض

ونفضح الشرّير الحفر لإخواتوا الجور

عا طول صورة الظالم بالكتب موجودي

ومناصر الحق غايب لكن بقلوب إنحفر

حارب الإقطاع....... وعن الحق دافع

ما همّو ولا يوم لو قصّوا بكرمو الشجر

بقي رافع الراس وضميرو كثير صافي

وعدوّه مسكين...... بشر أعمالو إنتحر