شاحنة ترمي الردم والنفايات في وضح النهار في الجورة المستحدثة أيام الإحتلال في مرج الخوخ.. مش عيب هالحكي؟

أخوت يحكي...وعاقل يفهم.

بيقتلوا القتيل...وبيمشوا:بجنازتو.

هيك المثل..والمثل صار واقع...كل يوم بنطبقو.

ليش فقتوا اليوم ؟؟؟؟ومن حوالي اربع شهور وإنتوا معكن خبر؟؟

سمعت من أحد الخطباء...إنّو الخبير حدّد كمّية الزبالي بألف وخمسميّة نقلة شاحنة...؟؟؟؟هل وصلت الشاحنات بسحر ساحر؟؟

أو ألبسوها طقّية الإخفى؟؟؟؟

عجيب ...مظاهرة فيها مسؤولين..رؤساء بلديات...وشرطّة بلديات وأعضاء بلديات... ونوّاب...وأحزاب..وسياسيين...وشعب طويل عريض....

يا ترى...ما حدا لمح ولا شاحنة؟؟؟؟ وشو عم تكب؟؟؟؟ أو طعمي التم بتستحي العين؟؟؟

وين المخابرات ؟؟؟؟للدولة والأحزاب؟؟؟وين العالم؟؟؟؟وعلي غصن نبّه من زمن بعيد...مين سمعو؟؟؟؟

ألف وخمسميّة سكسويل؟؟؟ مش عيب هالحكي؟؟؟؟ ومش صحرا واسعة...جورة؟؟؟؟

من أول الحكاية: القرار بكب الزبالي بالجورة: سياسي..أمني حزبي...وهون دور البلديات والناس...هل غضّوا النظر؟؟؟؟

ما بتهم حدا... بس في أكثر من حدا متورّط...

مين بدّو يحاسب؟؟؟؟ والخصم...هوّي الحكم.

زمان كتبت:الميكروسكوب بيشوف الجرثومة قد الفيل...

بس الفيل صعب ينشاف بالميكروسكوب..وإللي بيسرق رغيف خبز ..بيعفّن الحبس... وبيتجرّد من حقوقو المدنيّة والسياسيّة...لكن إللي بيسرق من مال الشعب مليارات

الدولارات...بنعمل منّو بطل...لأنو مدعوم من برا ومن جوّا.

من كم سنة كان واحد عم يقص شجرة صنوبر بريّة مريضة بأرضو...وهوّي عم يقص وصلت القوى الأمنيّة مع جماعة وزارة الزراعة...إللي شافو هالواحد عم يقص المرض حتّى

ما يعدي الصنوبرات الباقيين...ليش هالواحد ما شاف ناس غرب عن الأرض وفاتوا من فوق الحيط وقصّوا عشرة حد عشر دالية عنب وحاملين عنب..وعمر الدالية اكثر من

عشرين سنة...ومن فوق الحيط تم نقل حطب الدوالي شاحنة هالواحد الشاف فند الصنوبر...ليش ما شاف حطب الدوالي؟

مع الأسف الشديد ...مش قادرين نحمي جورة...كيف بنّا نحمي بلد؟؟