عطول بحس حالي..ويمكن هوّي الواقع..بكتب كلمات كثار غيري كتبوها..أو يمكن أنا كتبتها يوماً ما...بهالبلد كل شي بيصير....ما في شي بشع والكل بيكرهو..وما في شي حلو والكل بيحبّوه...المعارضة بتوافق ساعة الموالاة بتعارض...ونفس الموضوع لو قلبناه ...عنّا نفس النتيجة.

الشعرا...الكتّاب...الفنانين...تغزّلوا بلبنان..وطن النجوم...قطعة سما..سويسرا الشرق وكثير من الأوصاف الكبيرة...والكل معن حق...لبنان كخريطة طبيعيّة..بيجنن من برا هلاّ هلاّ....ومن جوا يعلم الله.

واهلنا بمصر بيقولوا:الجنّة من غير ناس...ما بتنداس...ومع إحترامي إذا في ناس... غنم وراعيهم ذيب.

في سيّء...وفي أسوأ...ونحن الأسوأ...

الكتب المقدّسة...بتمجّد الخالق بتدعي للمحبّة...وبتعترف بحرّية الأفراد...والحر لازم حكماً يكون عقلو راجح...حتّى يميز الصح من الغلط...يعرف قيمتو كإنسان ربنا سبحانه وتعالى أوجدو حرّ...كيف بيسمح لحالو يصير عبد؟؟؟؟للزعيم؟؟؟للمال؟؟؟ لشهواتو؟؟؟؟وينسى وصيّة الخالق؟؟؟؟؟

سبحان الّذي لا يحمد على مكروه سواه...يعني خالق كل شي...وحدو لازم نحمدو لأنّو أعطانا لصالحنا...وطلب لصالحنا...كيف بنحمد الزعيم وأزلامو؟؟؟وعم يسرقوا حتّى اللقمة من بين إيدينا؟؟؟؟؟

ناس بتتظاهر ضد الفساد...ومعا حق 100%...وفي ناس بتتظاهر لحماية الفساد... كمان معا حق 100%...أول ناس عم دافعوا عن حقوقن...إللي ربنا قدّسا..حقنا بالحياة أحرار...وثاني ناس دافعوا عن حقوقن ..إللي ربنا ما بيرضاها...وهي العبوديّة...لأزلام....وبننزل عالشارع بكل عين جامدة...وبنّا نوهم الناس إنّو الشيطان....ملاك...إستحوا...كل واحد مسؤول قدّام ربّو بالآخرة...وبإسف قول:

بعد إذن العلماء والمشّرعين...إنّوا الفاسد والمدافع عن الفساد...حرام يكون إلهم صلة...بالدين...الفساد ربنا نهى عنّو ؟؟؟؟المفسدون في الأرض.

سامحونا!!