وكنت شوف جماعة سوكلين بيلمّوا الزبالة من الأرض المسيّجة...حتّى تكعيبة السبجارة

عنوان غريب...بيحتمل كافة الـتأويلات...

أنا بحترم الكلاب...من يوم وصفها إبن الرومي: بالوفاء..بينما عا مرّ العصور

بنسمع بوفي واحد من البشر...إسمو:السموأل.

الكلاب حلوين...بس بالضيع...بالبريّة...وبغير هالمحلات بيتعرَض الكلب للإضطهاد... وللمسبات مش إلو مباشرة بس عن طريق أصحابو..

لحد هون بتقولوا :أسعد بلّش يخرّف...إنطروا لخلّص كتابة وبعدين الحكم.

معظمكم سافر عا بلاد الغرب...وشاف إنّو كل ست جارّي وراها كلب..

أو بالأحرى مع إحترامي...بيكون الكلب جاررها..وإللي مش مسافر....

أكيد شايف هالشوفة أو بالسينما او عا شاشة التلفزيون...

الست ببلاد الغرب ومرات الرجال...لما كلبن بيتنزّه...بيحملوا إكياس نايلون من شان يحطوا فيها ذخيرة المحروس...

وعنّا هون...شحار...بتترك الكلب يأخذ راحتو...وذخيرة الكلب عنّا مثل ذخيرة إبن آدم...بيكلوا نفس الأكل...علماً إنّو أكل الكلب أكسترا أكثر...

والست مبسوطة...وبتضحك وهي عم تحكي عالخليوي.

ماما:عم يعملها...وشو مبسوط...وبتطلّع حواليها بالناس ولازم ينسبطوا معا... يمكن الكلب رح يخرج إلماس؟؟؟

لحد هون القصّة عاديّة...بس المستغرب وين؟؟؟؟؟هي وغيرها بيتركوا ذخائر كلابن بالشوارع...وشوفوا كم كلب وكم ذخيرة؟؟؟؟الشارع صاير بيقرّف مثل أصحاب الكلاب...والكلب ما خصّو...إستحوا عا دماتكن إذا عندكن دم وضبّوا هالوسخ المقرف مثلكن من الشوارع.

خلصنا من الكلاب...إجا دور :أملاك الدولة.

معود إمشي من الحمرا لحد اوتيل موفنبيك...وبرجع...بعد صخرة الروشة عاليمين كانوا الحراميّة مسيجين هالأرض كلها...حتّى يستعيروها...وكنت شوف جماعة سوكلين بيلمّوا الزبالة من الأرض المسيّجة...حتّى تكعيبة السبجارة.....وضمن هالأرض المصادرة...في غرف فيها حرّاس كل الوقت ولمّا شباب الحراك لغيوا السياج...... كثرت الزبالة...عن قصد...ولا سوكليني بيلم ورقة....ليش؟؟؟؟؟؟ليوهموا الناس إنّو السياج بيحمي الأرض من الزبالة وبتبقى نظيفة...وهيك هنّي بيربحوا وبيرجع السياج من أجل النظافة والصالح العام....عندي طلب من جماعة الحراك...يعملوا حملة تنظيفات كل فترة لهالأرض....إحسن ما يتحتجّجوا ؟؟؟؟ويرجع السياج.