أسعد غصن

لماذا نتسوّل أمام سفاراتهم؟؟؟وهم يركلون أبواب معابرنا ويدخلون؟؟؟ ونتغنّى بالثالوث سيادة...حريّة وإستقلال؟؟؟؟ دون تأشيرة يدخلون ساعة يحلوا لهم... ونحن إن منّوا علينا بتأشيرة...نتردد شهورا على سفاراتهم...وهل كلمة لماذا كافية؟؟؟ أسئلة برسم من؟؟؟؟؟

هي أوامر زعماء هذا البلد... وحتّى زعماءنا (تشمشمهم الكلاب البوليسيّة) ..وهم يحملون على الراحات؟؟؟؟

مرقت صدفة أمام إحدى السفارات... وعجقة؟؟؟وتدفيش؟؟؟ وتفتيش؟؟؟ وناس بتظهر

مبسوطة ربحت الجائزة... وناس بتظهر زعلانة... وقلبي رقيق مرت فكرة براسي وكتبت:

شحاذين

نزلوا يشحذوا وبقيت ناطر

دخالوامدرسة كسر الخواطر

القلوب بتدق والوجوه مصفرّة

وموزّع الحسنات كثير شاطر

وانا قاعد..ناس عم تضحك

وناس تبكي ما بتحمل مباخر

عم إكتب وبعدني بأوّل المشوار

وجوّا..... شغّالة جميع المحاور

بيسألك:لوين رايح؟؟؟وليش؟؟؟

بدّي شوف....إبني المهاجر

معك مصاري؟تشتري النيلون(التكت)

منين؟وإنت لاغني ولا تاجر؟

يا فقير...حرام تشوف إبنك

ولازم تبوس الإيد لتسافر

وبلدنا ساحة ما حدا بيسأل

إن كان آدمي او كان فاجر.