الأجيدان أبو نبيل علي عواضة.. كان إنسان رافع الراس ورحل رافع الراس وترك ولاد بيرفعوا الراس

من زمان أول وعينا بنسمع الإستاذ إسماعيل الظابط حسن عواضة الأجيدان علي ذيب وما كنّا نعرف غير الأسامي ولمّا كبرنا وتعرّفنا عا أصحاب هالأسامي حسّينا بفخر.

الإستاذ إسماعيل العبدلله من خيرة الناس والله يطوّل بعمرو ويرحم الظابط والأجيدان. وكمان الظابط والأجيدان من خيرة الناس كمان.

اليوم رحل الأجيدان أبو نبيل علي عواضة وقصتي مع بيت عواضة قديمة خلقت وتربّيت ببيت إبراهيم عواضة (أبو عبدو) وبرعاية عبد الحسن عواضة (أبو علي) وهنّي جدي لأمّي وجد إمي (مريم عواضة) ومن محبتي بالعيلة كتبت قصيدة أول شطر:

دمّي عواضة وغصن بهويي.

أبو نبيل من صغري بشوفو عند جدي أبوعلي ورفيق خوالي كنت فكرو خالي وبيستاهل أكثر ومع مرور الزمن كبرت المودّة والإحترام كنت شوفو بكل المناسبات إللي بتتعلق فينا نحن أحفاد عبد الحسن عواضة.

وقويت المعرفة بعد تهجيرنا من الخيام وسكنّا ببناية واحدة بمنطقة الصفير وهون بيّنت كنوز الأجدان عطوف عالكل حنون بساعد المحتاج بيفرح لفرح الجميع .وبالحزن يكون هوّي صاحب الحزن بالنسبة إلي كان بي وخال صديق ما بيخليك تحمل هم كان بلسم

صحيح بينقال: أنا بكتب لكن ساعات الحروف والكلمات صعب توصف حقيفة الأجيدان وكل ولد من ولادو .بيحمل مواصفات الأجيدان الله يرحمو

وطول العمر لذريتو؟؟؟؟الحاج أبو نبيل كان إنسان خلق رافع الراس ورحل رافع الراس وترك ولاد بيرفعوا الراس.

موضوع ذات صلة (الموت يغيّب الأجيدان علي ذيب)

سجل التعازي بالمرحوم الحاج علي حسين ذيب عواضة (أبو نبيل)