hg;hjf أسعد غصن

عجقة موت وإنتخابات...يمكن دوري يطوّل شوي...شويّة غزل وذكريات:

فجأة...من غير ميعاد...بشوف حالي بالمراية...وعمري 15 سنة..مش معجزة لمّا بتلتقي بإنسان غالي...أكيد هالإنسان الغالي(المراية).

وقدّيش إنت مبسوط...بتنزل دموعك...بيخفق قلبك...أسرع من الصوت... ولسانك بيجمد..وما فيك تتحرّك.

والإبتسامة والدهشة السبيل الوحيد لتحس إنّك عايش بالزمن الجميل... وزواريب ضيّقة..يا ريت بترجع هيي وأهلها.

عطيبتك..وقوّة الشوق والحنين..بتفكّر المراية..حسّت بنفس المشاعر.. صحيح البسمة ..بتقابلها...بسمة..بس شتّان بين البسمة...والبسمة...

بعد إستعراض موجز للماضي بلمحة سريعة...بتروح بتقعد لحالك

وبتفكّر بالحالة...بيعن عبالك تحكي مع المراية..مع نفسك..وهون

المصيبة؟؟؟؟.....بتحس حالك غريب مش عن المراية بس؟؟؟؟؟

وعن حالك..في غلط ...مش منّك...مش من المراية..من الظروف

من القدر...من الواقع...وبتدمع عيونك من جديد..مش دموع الفرح مثل اوّل شوفة...دموع الحزن...وبتقول :يا ريت بقيت صورة الطاولة والمزهريّة والوردة...مخبّاية بالقلب...مثل شاشيّة اللوكس ..او قلب اللمبة...لمّا يشوفو الهوا...بيحترقو...وهيك إحترقت صورة الماضي البريئة...الفيها إتنين..مع قلم رصاص...ورقة...طاولة..مزهريّة وبقلبها وردة؟؟؟؟......المراية كان عمرها 12 سنة....

بنت 12 وشاطري برسم الورود

عا طاولة بمزهريّة للحبيب تجود

قدّيش كانت حلوي بمريول المدرسة؟

وقدّيش حلوين غمّازاتها فوق الخدود؟

مرق العمر..والعمر غفلة بيمرق بسرعة

وبعد هالعمر الطويل للحبيب قلبي يعود

اول مرّة شفتها صدفة كان البلد خربان

والثانية......قدّام بيتها.....بثيابها السود

الحزن..صحيح بيمسح إيّام الفرح

لكن؟لازم نعيش..والقلب موجود.

Zoho CRM - Affordable