من يوم إستشهاد الرئيس الحريري...بقي سؤال براسي حابب اطرحو..وبعد إستشهادو طلبت من الله حاور الشهيد...والحمدلله إجاني بالحلم...وبقّيت البحصة..وطرحت السؤال:

يا دولة الرئيس ...شو قصّة الأوتوستراد من اول النبطيّة لمرج الخوخ عطريق إبل السقي؟؟؟

تنهّد بحرقة وقال: نيّموا المشروع من ال2004 ...12 سنة...وكان مفروض يتسلّم بال2005 مبروك عليكم بتستاهلوا مثل هالمشروع الضخم....قلتلّو: منين ضخم؟؟؟طريق عاديّة ما بتوفّر ولا متر....تصوّروا رفيق الحريري بكي...وقال:عملوها؟؟؟؟ويا غافل إلك الله...وكرّت المسبحة

قال الشهيد:الكويت تبرّعت بتكاليف الأوتوستراد...وب10 دقايق ولاد مرجعيون وحاصبيّا بيوصلوا عضيعهم من النبطيّة...إسغربت كيف؟؟؟؟قال:الدراسات النهائيّة جسر بيريط بين كفر رمّان وجبل الجرمق...وأنفاق...ضحكت وقلت:الجسر صار نزلة والنفق ما عاد نفق...

قال:هالبلد مزرعة وكل واحد إلو فيها أسهم...في ناس بتاكل ربع المشروع...وناس نصّو.. وأوتوسترادكم....أكلو الجسورة وتحلّوا بالأنفاق.سامحونا