صحيح صفحة الخيام كلها حيويّة وأخبارها المفرحة أكثر من المحزنة ...بعيد عن رحيل الأحبّة أمر الله...بس المضحك المبكي..مثل ما قالوا إخواننا المصريين: ما فهش للحمار..بيتمرجل عالبردعة... ومطبق هالمثل عنّا بحذافيرو دون زيادة او نقصان... شفت اعلى هالصفحة الكريمة خبر عن فصل أحد قوى الأمن الداخلي...و حتّى لوهالخبر مش صحيح... بس سخيف مثل إللي صوّر...وكتب...رجل أمن عفلان عالكرسي....هل النوم شغلة بيعاقب عليها القانون؟؟؟؟؟

وهالزلمي يمكن مش بالخدمة وحابب يعمل قيلولة بالشمس.. جريمة...في كميرات وأقلام أصحابها ما عندن ذرّة خجل...ما عنّا مسؤولين وسياسيين نايمين من سنة43 وبعدن ما فاقوا..وكل دورة بيعملوا زعما بهالمزرعة إللي بتشبة مغارة على بابا...وإللي منيح بمغارة علي بابا كانوا زبائنها 44 بس...بس مغارتنا؟؟؟؟ قدّيش فيها؟؟؟؟؟وفي نوّاب مسافرين ونايمين...

شو عمل هالمعتّر؟؟؟

غفل...؟؟؟؟؟ عن جد جريمة....والشق الثاني..وبوجّه كتابتي لوسائل الإعلام الكريمة وغير الكريمة...إلحقوا الكبار بالنوم الطويل والسرقات الكبيرة مش تعملوا منهم أبطال؟؟؟؟؟

بقرا أوبسمع...زعيم وما بيحطوا إسمو..ممنوع عندو (حصانة) مش سرق(هدر)11مليار دولار..

أول جمعة...وثاني جمعة العالم بينسوا.....وإذا فقير سرق ربطة خبز...يا ويلو من الأقلام المنحطّة بيحطوا إسمو الخماسي...وقدّيش عمرو...ومن وين...وكل سيرة حياتو....وعلى شاشات التلفزة بيطلعوا سياسيين بيتهموا بعضن بسرقة الملايين...وبتعرفوا في ناس بيقولوا:صحتين؟؟؟؟

ضاق بحندوقة عيونكم وبكميراتكم رجل عفلان؟؟؟؟

ولك تفوا عليكم شو بلا أخلاق.