زمان عإيّام ليرة الخشب(مصطلح للقدم) كنّا مبسوطين...مع عدم توفّر تكنولوجيا العصر؟؟؟

بس كان عنّا تكنولوجيا...البراءة بكل نواحي عمرنا...تصوّروا كنّا نلعب مع الحجر إذا ما في حدا معنا؟؟؟؟نزرع ونحكي الزرع.... نتطلّع بالقمر ونشكي أو نخبرو قصص..ووووو؟؟

والحب بالغمزة...برفع الحاجب...بتحريك الشفاف...والبقيّة جيلنا بيعرفا...لأنّي بحس هالجيل ما بيعنيلو ماضينا حتّى لو فيه قصص ومغامرات...ماشي الحال...

حب الولدنة ...كان ولدنة,,,مثلاً كلمة (حبيبي) تطلع بطلوع الروح...وننطر نسمعا ونفتش عليها بالسراج والفتيلة...ويوم من الأيّام حصل غلط؟؟....سوء فهم....ورسالة وصلت ومع الأسف بالغلط...لغير صاحبها...طار من الفرح...وصار يرقص مثل المجنون... وبرم الدولاب وبيّنت الحقيقة....طار الفرح ...والوج المورّد...شحب...وعلى رأي إخواننا المصريّين؟؟؟؟؟؟

وجدّ في الأُمور...أُمور.ووقع الفاس بالراس.

حبيبي؟؟بالغلط؟؟؟

بالغلط واحدة غيرها كتبت..حبيبي

شفت الشمس بليلتي العتمي الكئيبي

وبلمحة بصرعمري ترك الهموم

وإيّام السعد الماضيي صارت قريبي

ساكني بقلبي .. وحدها القلب والروح

عمري بهالعمر...الدوا هيي وطبيبي

كلمة واحدة .......رفعتني لأعلى الكون

والكلمة بصراحة طيبي ما كانت معيبي

واسرع من البرق مثل خادم الفانوس

بين إيديها ناطر.. ..أوامرها المهيبي

لقيتها مكشرة..والغضب فوقها هالة

جمد المارد... قدّام هالحالة المريبي

والقلب دقّاتو...ما عاد إنسمع صوتا

صرخِت..فل.مش اناكتبتلك حبيبي؟؟