الكاتب أسعد غصن: هوّي الحب إللي جمع بين القلوب.. بيبقى معي ولوكان القلب غدّار

مثل العادة، تمهيد صغير وكبير... حسب ما يتقبلوه البعض والكمال لله وحده.

ناس عندهم أوصاف ممكن تصيب وممكن تخيب.. وأنا بصراحة بتقبّل.

الإنسان بداخلو مجموعة متناقضات.. لذلك بنلاقي بنفس الشخص ميزات غير متجانسة.

بيقولوا: كاتب.. شاعر... وصدقاً مش كثير مهتم... املي وطموحي إكتب..

والكل يفهمني.. وينبسط بكتاباتي شو ما كان توصيف صاحبها...

موضوع بس ينفتح الجدال فية كبير وواسع... بين الفترة وإختها بكتب

شويّة حب وغزل حتّى إنسى الواقع المرير.. وبتمنّى نسيّكم معي.

بعدني.. بحبّك

من الصعب معك..يخلص المشوار

حنونة ....رفيقتي برّة وبقلب الدار

ولمّا بتبعدني الظروف وعنّك بغيب

نهاري يا حلوتي بيصير ألف نهار

عدّي إيّام وشهور..... ما شفتك فيا

وقدّيش بتمنّى كون لقلبك.....جار

بتتعرّفي ساعتا عا صبر أيّوب

وعمري يا حياتي ....مولّع نار

وإنت معي بيحملك بساط الريح

حتّى من الريح يمكن عليك غار؟

مجنون؟طبيعي يوصل حبنا لجنون

كيف وليش حبّيتك؟؟ بعدني محتار

هوّي الحب إللي جمع بين القلوب

بيبقى معي ولوكان القلب غدّار