ناس بينبسطوا بالسنة الجديدة...بيكونوا ولاد صغار وحلمن يكبروا بسرعة وناس سنة عن سنة ...بيرحلن أحبّة...وما بتعنيلن لا السنين ولا الإيّام..وانا واحد العلقان بالنص...روحي مع أحبّة رحلوا...وقلبي وجسمي مع أحبّة ربنا يطوّل بأعمارن وأعمار كل الشباب...بعرف هيك الحياة..بس اليتيم بيحس بظلم الحياة...حب الإم غالي...وكبير...وصعب يتعوّض..إذا حدا حاول يعطي حنان.؟؟ بس مع الأسف ...خزّان الحنان عند البعض(ملحّس) عادة ما بحب البكي... بس المناسبات...بتجبرني...إن شاء الله سنة خير وراحة بال عالجميع.

وتمرّ... السنين

بتمرق سني ..والقلب بعدو حزين

بتتطلّع بالمراية بتصرخ إنت مين؟

يمكن شكلك تغيّر من كثر الهموم

كنت حلو..وكانوا عيونك الحلوين

بالهويّة بعرف منيح أصلي وفصلي

وبالواقع:إنسان ناقصني حب وحنين

الحجر ما بتهمّو أحاسيس وعاطفي

لكن ذوّبتني العاطفة من كثير سنين

ورميت حالي بقفص..إسمو الماضي

مليان ذكريات..صاج وخبز وعجين

هونيك نسيت حالي قبال الموقدي

قرفت ناس بمسح الجوخ ملهيين

وتركت حالي ورقة حملها الريح

وفضّلت إبقى مع الماضي سجين