نبيه وانيت حشمه

راح الشتا وإجا فصل الربيع .. .. حامل بإيدو زهور بروس الصبيع

واخضرّ مرج الخيام مثل عادتو .. .. ومشيت الساقيه والمجرى سريع

واخضرّ المرج من العلت والدردار .. .. والصبايا تسلّق زغار وكبار

وين صار الخندق وسد العروس .. .. ونبعة البارده ما إلها أثار

يا مرج وين راحوا صحابك .. .. وين اللي كانوا ياكلو من ترابك

كفانا هجر وسنين بالغربه .. .. لا بدّ ما تفرج ويرجعوا غيّابك

صلّي معي عالخيام منعود .. .. ونرجع عالحما وأرض الجدود

الغربه قاسيه وصرنا كبار .. .. ما في شي بالدني ما إلو حدود

خيامنا كانت إسلام ونصارى .. .. كنايس أربعه بحي الشمالي

والشيخ يصلّي أذانو عالمناره .. .. والكلّ كانو إخوان وأهالي

صارت الخيام هجران وعزاره .. .. وكنايس فاضيه فقر وبطالي

العلم صار سلاح وشطاره .. .. وهجرنا ديارنا ما في عدالي

هجرها حسين ولحقو بشاره .. .. يبس المرج ويبسو الدوالي

خيامنا الضيعه صارت مدينه .. .. طب وهندسه صار بالدزينه

الهجر عّله ما إلو علاج .. .. عالمصطبه ناطره الإم الحزينه

ناطره بلكي بيرجعوا الغيّاب .. .. تركوا الحما قبل ما شعرها شاب

ناطره عالمصطبه صرلا سنين .. .. ضهرا حنا شح النضر والقلب ذاب

* نبيه ونيس حشمه - أوتاوا، كندا

اخضرّ مرج الخيام مثل عادتو